【寵物知識你要知】熱天狗狗容易出現呼吸問題 

 

什麼品種的狗狗會容易有呼吸系統毛病!?

大部份嘅短鼻狗狗🐶都因為先天嘅面部結構問題， 同樣嘅呼吸系統組織喺較狡窄嘅空間下會變得相當擁擠 ，好容易就會有呼吸系統👃🏻嘅毛病！

短鼻狗狗佢哋嘅鼻窿會相對狹窄，唔能夠好平順咁將空氣吸入鼻腔；亦都因為佢哋嘅鼻👃🏻天生比較扁，鼻腔嘅空間有限，令到佢哋無論係換氣定係散熱都比其他品種嘅狗狗🐶差添！如果你屋企嘅毛孩係短鼻嘅品種，就要多啲留意佢哋嘅呼吸👃🏻睇下有冇明顯嘅徵狀喇！

#法國鬥牛犬 #英國鬥牛犬 #八哥 #波士頓㹴 #北京狗 #西施

 

什麼情況下會容易發病?

好多時當短鼻嘅狗狗做完運動、有壓力、甚至乎喺酷熱嘅環境底下，都特別容易出現氣喘，因為佢哋唔能夠好有效率咁換氣， 鼻腔狹窄容易有氣阻，喺瞓覺嘅時候仲會有鼻鼾添！ 而亦都因為佢哋嘅鼻腔空間有限，劇烈嘅運動亦都會令佢哋呼吸變得困難，運動嘅耐力降低；酷熱嘅環境底下較容易出現中暑嘅情況， 嚴重嘅話呼吸仲會有雜聲，喘氣嘅情況好耐都唔能夠平伏，甚至乎有機會會因為呼吸唔暢順而缺氧，條脷發紫甚至昏迷添㗎！呢啲情況就一定要盡快求醫喇！

各位毛爸媽如果發現毛孩有呢啲嘅徵狀，建議可以諮詢返你嘅獸醫，睇下點樣可以有效咁幫毛孩改善佢哋嘅呼吸系統毛病喇！

 

當然，而家天氣咁熱，全部狗仔🐶出街都要小心留意！