【寵物知識你要知】寵物是否需要補鈣？

 

好多毛爸媽都疑惑過到底屋企嘅毛孩🐶🐱要唔要補鈣呢？

其實唔同品種、年齡、生活習慣嘅狗狗對鈣嘅需求都唔同，而普遍嘅乾糧🍽️配方其實都係經過嚴格嘅設計，能夠畀到足夠而且均衡嘅營養畀毛孩👍🏻對於健康嘅毛孩係唔需要額外嘅營養補充品㗎，毛孩如果攝取咗過量嘅鈣，仲會令骨骼起變化同有機會增加某類型膀胱石嘅風險添呀😱

到底咩情況下先需要幫狗狗補鈣呢🤔

如果屋企嘅毛孩剛剛生完小毛孩，因為餵奶🍼會消耗佢哋大量嘅鈣質，不過同時我哋會畀額外嘅營養補充畀毛孩，所以要留意會唔會攝取咗過量嘅鈣呀🔍而以鮮食為主食嘅毛孩，好多時都會偏重咗喺某部份嘅食物營養，令到毛孩唔能夠攝取到足夠而又均衡嘅營養素，呢啲情況下就有需要額外嘅營養補充品喇！不過補鈣同補關節需要嘅營養素係唔同㗎，建議毛爸媽可以諮詢返獸醫🩺嘅專業意見，選擇返啲真係幫到毛孩強骨🦴護關節嘅保健品，咁先可以守護到毛孩嘅健康㗎💪🏻

容易有關節問題的品種

有部分狗狗會因為近親繁殖而影響咗佢哋嘅身體結構；加上後天嘅生活習慣，例如少運動導致肥胖就會為關節帶嚟唔同程度嘅負擔！小型狗好似芝娃娃、貴婦狗等等，就比較容易出現膝頭移位嘅問題；而大型狗好似拉布拉多、金毛尋回犬或者狼狗等等，就好容易有髖關節嘅問題喇！